Nú er búið að skrá vorskýrslur búfjáreftirlits og hægt að skoða fjölda búfjár og þróun hans undanfarin 11 ár með því að smella hér. Fénu heldur áfram að fjölga jafnt og þétt í Húnavatnssýslunum en Strandir standa nokkuð í stað. Nautgripum fækkar örlítið í A-Hún en fjölgar lítils háttar í V-Hún og er það þróun sem virðist vera búin að standa nú í nokkur ár. Hrossafjöldi er afar svipaður í Húnavatnssýslunum og undanfarin 5 ár og á Ströndum er jafnvægi í bæði nautgripa- og hrossafjölda. Matvælastofnun mun síðan fljótlega birta á heimasíðu sinni www.mast.is þróun á landsvísu undanfarin ár.